XX. mendeko Euskararen Corpus estatistikoa
Testuingurua
KAXKOPEL: Zuhurtziaz beteko aitatxi bat bezala mintzo zare.
Jo aintzinat!
MATTIN BIHOTZANDI: Elgar maitatzeak indar gehiago emanen dautzue, deneri etxean nausitzeko.
ZENTZULUZ. Hiru izeba sorgin hoik behar ditugu etxetik urrun igorri.
MATTIN BIHOTZANDI: Ez dut uste.
ZENTZULUZ: Badut aski jasanik.
Ez ditut gehiago ikusi nahi ere.
KAXKOPEL: Kalma, kalma.
Entzun Mattin-en erran zuhurrak.
MATTIN BIHOTZANDI: Ez ditezke etxetik igor; etxekoak dire hek ere.
ZENTZULUZ: Zer egin beraz?
Gakoz eman?
MATTIN BIHOTZANDI: Ez.
Hek ere maitatu.
ZENTZULUZ: Maitatu?
KAXKOPEL: Ainixko da hori...
MATTIN BIHOTZANDI: Maitatzeak bihotzak aldatzen ditu, bihotz gogorrenak eztitzen.
ZENTZULUZ: Hiru atxo hoik hemen direno, ez da bakerik izanen etxe huntan.
Heiek dituzte mutilak eta neskatoak nahasten eta elgarri jazar-arazten.
MATTIN BIHOTZANDI: Bai hori da.
Izebak aldatzen eta baketzen badire, mutil eta neskatoak bide xuxenean sartuko dire.
ZENTZULUZ: Zer egin ba?
MATTIN BIHOTZANDI: Orai arte hiru izebak hastiatu ez ditutzuenean, jasan ditutzue eta ez sekulan maitatu.
ZENTZULUZ: Diren bezalakoak ikusiz, ez da harritzekorik.
Bainan, Mattin...
KAXKOPEL: Ixil, emaztekia, ixil.
Entzun zazu.
MATTIN BIHOTZANDI: Diren bezalakoak direno, ezin maitatuak dire; bainan hasten bazare heien maitatzen eta maite ditutzula heieri erakusten, bihotz barnean duten on hura loratuko zaiote.
ZENTZULUZ: Ba ote dute horiek bihotzean onik?
MATTIN BIHOTZANDI: Bai denek badute, ez iduririk ere, zerbeit onik; eta, ez balute, behar zaiote eman, gure amodioaz erein.
KAXKOPEL: Ederki mintzo zare, Mattin; bainan, zure ustez, zer egin behar ginuke orai?
MATTIN BIHOTZANDI: Lehenik hiru izebak, mutilik eta neskatorik gabe, mintzatu; gero mutil eta neskatoak bildu.
KAXKOPEL
ZENTZULUZ: Jadanik?
KAXKOPEL: Bai, elgarrekin aski indar izanen dugu heien mintzatzeko.
Ez bagare hortaratzen, akabo etxea eta gure haurrentzat zer kaltea!
ZENTZULUZ: Nahi duzun bezala.
KAXKOPEL: Aitortu behar dugu: ez zela holakorik gertatuko, beti bihotzez bat egon bagine.
ZENTZULUZ: Gure bihotzak ez dire, dakitanaz, sekulan elgarretarik berezi.
KAXKOPEL: Ez; bainan ez zuten behar bezenbat amodio.
Ez zituen nahikundea eta gogoa amodioak aski azkartzen, aski argitzen.